ألغاز منطق وتفكير كاملة مع الحل: قصص وتحديات تحتاج تركيزاً، من لغز الجسر والزومبيز إلى تحدي الأميرة زمرد ولغز الـ100 قطعة. أوقف الفيديو، فكّر، ثم شاهد الحل.
في ليلة مظلمة صحيت ليلى واخوها سامي على صراخ وريحة دخان جاية من كل مكان. القرية جاها مرض وكل السكان تحولوا لزومبيز. العائلة ركضوا وطلعوا برة القرية والزومبيز وراهم. لما وصلوا الجسر، ليلى عملت حسابات سريعة في مخها واستنتجت انهم معاهم سبعتعشر دقيقة بس عشان كلهم يقطعوا الجسر وبعدين يقصوه قبل ما الزومبيز يوصلوا لهم.
بس المشكلة انه الجسر ما بستحمل اكتر من شخصين يمشوا عليه في نفس الوقت وكمان اذا واحد أو اتنين مشوا عالجسر لازم يكون معهم الشتلة لأنه الدنيا عتمة كتير والعيلة معهم شتلة واحدة بس. هلا سامي بيحتاج دقيقة عشان يقطع الجسر. ليلى بتحتاج دقيقتين. ماما خمسة وسيدو بده 10 دقائق ليقطع الجسر. ولما اتنين يقطعوا الجسر مع بعضو بيحتاجوا وقت الأبطء بينهم.
وأخيرا هذا ما فيه خدع ولا تلاعب بالكلمات وفي اله حل منطقي. وقف الفيديو، فكر بالحل وبعدين شوف اذا حلك صحيح!
هل بتقدر تحل لغز الـ100 قطعة وإنت معصوب العينين؟ 🤔🔴🔵
قدّامك 100 قطعة، كل قطعة إلها وجه أحمر ووجه أزرق.
90 قطعة طالعة على الأحمر و10 بس على الأزرق، لكن المشكلة إنك ما بتقدر تشوف ولا تعرف أي قطعة على أي وجه!
مهمتك تقسّم القطع بين مجموعتين A وB بحيث يكون عدد القطع الزرق متساوي تماماً في المجموعتين.
مسموحلك تنقل القطع وتقلبها... بس ممنوع تشوفها! 👀❌
الحل موجود، وأبسط مما بتتوقع... بس بده شوية خمنطق! 🧠⚡
وقّف الفيديو قبل الحل، جرّب تحل اللغز بنفسك، واكتب لنا بالتعليقات إذا وصلت للحل! 👇
خَمَنْطِق
3:25
